أعلان الهيدر

.

8/22/2011

الرئيسية سفارة اسرائيل فى ميدان التحرير

سفارة اسرائيل فى ميدان التحرير


بالتاكيد ما فعلتة اسرائيل تجاة قتل الجنود المصريين عمل اجرامى لايمكن السكوت علية واسرائيل تحاول دائما استفزاز مشاعرنا بهذة المحاولات البائسة 
وتحاول ايضا معرفة رد فعل الدولة المصرية تجاة هذة الافعال لانة يعكس مدى قوة مصر وهل النظام الحالى فى مصرتغير ام لا ام ،،،



كما هو بنفس الردود السابقة وبالفعل جاء الرد المصرى المعتاد بالاعتذار والتحقيق واستدعاء السفير وانباء عن سحب سفيرنا والتراجع فية مصر ،،

المهم فى الموضوع يجب علينا جميعا ان لاننساق وراء هذة الافعال ونتبع نفس الاسلوب بالرد والمعاملة بالمثل بالعكس يجب علينا وبسرعة شديدة احداث تنمية بشرية فى سيناء باى طريقة ولدينا الامكانيات لذلك لان هذا ماتخشاة اسرائيل ان يحدث فى سيناء لان السكان هو خط الدفاع الاول ،،

وعلينا ان لانسمح لهم باحداث وقيعة واستفزاز مشاعرنا اكثر من ذلك وان يكسبوا جولة على حسابنا بالهاء مصر عن التنمية الشاملة فى سيناء وتخويف الناس وان سيناء اصبحت مهددة وبها عناصر للقاعدة ،،
نعم اسرائيل تريد ذلك هى وشريكتها حماس وحزب الله ان يدفعوا بعناصر اجرامية فى سيناء من اللى هربوا من السجون المصرية والقادمين من الانفاق حتى يخلى الجو لهم ويتم ازاحة اهالى عزة الى سيناء وتبدا عمليات ارهابية تصيب اسرائيل 



ويقولك من عزة وسيناء فيها قاعدة والكلام الفارغ والتمسلية اللى شاغلة علينا وهما اصدقاء مع بعض ولهم مصالح مشتركة مع بعض  ويظهروا فى الظاهر انهم اعداء ويايعنى موش طايقين بعض فاسرائيل تريد انهاء حالة مظاهرة الخيام بصراع خارجى والهاء شعبها وازاحة عزة عنها علشان تفضى ليهم وبعد كدة تحتل سيناء ومصر بمساعدتهم طبعا بعد ما يدخلوا مصر علشان حلمهم القديم الكاذب من النيل للفرات وطبعا الشيعة وحماس وحزب الله ومعاهم حسن افندى ابوطاقية يبقى لهم مكانة ووضع والسبوبة والفلوس بالميارات شغالة بينهم واحنا طبعا هنا شغالين نطبل ونهلل ونقول طرد السفير ونحرق العلم والسفارة فى العمارة والمكان ضيق وموش هينفع ياجماعة نعمل مليونية هناك علشان اسرائيل نقف هناك ازاى وننصب الخيام بالطول انا شايف ان سفارة اسرائيل تبقى فى التحرير 

علشان 6 ابريل تفرح ومعها 200 ائتلاف والاخوان والسلفيين والجهاديين والفضائيات  والدعاية والسبوبة تشتغل ياجماعة واحنا داخلين على انتخابات مجلس الشعب ودة ينفع بردة 

بدلا من الجلوس والهدوء والتفكير والعمل والبناء من اجل مصر نعمل مسابقة علشان يتسلق العمارة ويحرق العلم طيب  تعالوا نعمل مسابقة ونروح سيناء ونعمرها ونعيش فيها ويكون لنا فرص استثمارية وفرص عمل للشباب واقامة وسكن دائم  وسيناء فيها من خيرات الله وذكرت فى القران الكريم واحنا قاعدين فى القاهرة نعمل اية خلاص موش عارفين نتحرك

ونمشى كفاية كدة ياجماعة نفكر بالعقل شوية ونعرف مصلحتنا كويس بلاش شغل التطبيل والتسخين والزفة اللى شغالة على كل الالوان مفيش احد بينظر الى مصلحة مصر كلة بيحث عن مصلحتة وبس ومصلحة ناس تانية خانوا بلدهم بادعاء الوطنية عن جهل ولاهما عارفين حاجة 

شوية كلام بيقولوة وخلاص وهما عايشين حياتهم وجيوبهم مليانة بيعلبوا على عواطف البسطاء من الناس ياجماعة علينا ان نتثق فى انفسنا ونصلح منها ونتحد على كلمة الحق ونطهر قلوبنا من الغل والنفاق والكراهية ولغة الانتقام وننظر الى المستقبل والى اخرتنا

يكون شكلها عاملة اية ونتحاسب على اية كفى 

ما يحدث من عبث بامن مصر فمصر ستظل محفوظة ومحروسة  رغم انف الحاقدين لانها ذكرت فى القران الكريم والجميع يعلم بس بلاش نكون بهذة السلبية ونحن فى شهر القران ونقرأ القرأن كل يوم ولانتدبر مافية من معانى ونتعلم منها ونطبقها فى حياتنا ماهى المشكلة فى كدة ربنا رحمة واسعة وكريم معنا الى ابعد الحدود بس بالعقل والمنطق والحكم على الاشياء كما هى بحالتها بدون تشوية او اثارة او احداث وقيعة وفتنة ونفكر بعصبية

 ونبعد عن اصل الموضوع وهو مصر همنا الاكبر حتى قامت مصر قومنا معها وانصلحت احوالناوبالتالى علينا ان نقيم العدل مع انفسنا ومع تصرفتنا وافعالنا حتى تستقيم الامور سواء فى الدنيا  او فى الاخرة

المصدر :- مصراوى

ليست هناك تعليقات:

إرسال تعليق

ثمة لفظ قد يكسبك العالم لكن .. تخسر نفسك ! ثمة لفظ قد يفقدك العالم لكن .. تكسب نفسك ! زنْ الفاظك تعرف نفسك ..

يتم التشغيل بواسطة Blogger.